Almennt gildir um ferðir á vegum Ferðafélags Skagfirðinga að það áskilur sér rétt til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Ferðafélag Skagfirðinga tryggir hvorki farþega sína né farangur þeirra. Farþegar ferðast með félaginu á eigin ábyrgð. Félagið hvetur fólk til að kaupa ferða- og slysatryggingar fyrir ferðir.

Skráning í ferðir er á netfangið Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.   eða Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.   (nema annað sé tekið fram), einnig eru frekari upplýsingar veittar í síma 862 2539.

Tindastóll – Óskatjörn - Grettislaug        Skór: 3 (FERÐ FRESTAÐ) 

 24. júní, 1 dagur
Fararstjóri: Hallbjörn Ægir Björnsson 

Mæting á einkabílum við N1 Sauðárkróki kl. 19:00.

Lagt verður af stað sunnan við Skíðastaði, farið upp með Grímsá og upp að Óskatjörn. Farið verður upp á hábungu Tindastóls við Einhyrningog fetað sig eftir henni yfir í Reykjadal. Þar verður farið niður að Grettislaug, en tilvalið er að baða sig í henni eftir gönguna. Gert er ráð fyrir að gangan taki ca. 8 klst. 

Verð: kr. 3.500.-  (kr.2.000.- fyrir félagsmenn í Ferðafélagi Íslands)
Innifalið: Fararstjórn og akstur frá Grettislaug að Skíðastöðum. Lágmarksþátttaka: 10 manns 

Illugastaðir – Þverárvötn - Fossá        Skór: 2

9. júlí, 1 dagur
Fararstjóri: Ágúst Guðmundsson

Mæting á einkabílum að N1 Sauðárkróki kl. 09:00.

Gengið verður frá eyðibýlinu Illugastöðum á Laxárdal. Haldið norður Engjadal  að fornbýlinu Skínanda. Þaðan verður haldið  að Þverárvötnum og Miðá fylgt að Fosseli. Þar rétt við eru fallegir fossar og stuðlaberg. Loks verður gengið með Fossá til sjávar.

Verð: kr. 3.500.- (kr. 2.000.- fyrir félagsmenn í Ferðafélagi Íslands)
Innifalið: Fararstjórn og akstur frá Fossi að Illugastöðum. Lágmarksþátttaka: 10 manns

Jarðfræðiferð í Kotagil og Sæmundarhlíð        Skór: 1

23. júlí, 1 dagur
Fararstjóri: Helgi Páll Jónsson

 
Mæting á einkabílum að Náttúrufræðistofu Norðurlands vestra, Sauðárkróki.

Kotagil er mikið árgljúfur í Norðurárdal í Skagafirði. Þar er fróðleg opna inn í elsta skeið jarðsögunnar í Skagafirði (Tertíer tímabilið) og í uppbyggingu fjallanna á Tröllaskaga. Markmiðið er keyra fram í Norðurárdal, ganga inn í gilið og skoða sig þar um. Þar má sjá merkilegan jarðlagastafla og finna ummerki um fornskóg (steingervinga). Spáð verður í spilin og rætt um þennan tíma. Við Kotagil má sjá einnig sjá ummerki um mikla vatnavexti sem urðu í Kotá árið 1954 með tilheyrandi skriðuföllum og lögðu bæinn Ytri-Kot í eyði.

Á heimleið verður komið við í Sæmundarhlíð og annars konar jarðmyndanir skoðaðar sem mynduðust á síðasta jökulskeiði ísaldar. Þar verður rætt stuttlega um ísöldina í Skagafirði. Mögulega eitt til tvö stopp til viðbótar ef tími leyfir og áhugi er fyrir hendi.

Verð: kr. 3.000.- (kr. 2.000.- fyrir félagsmenn í Ferðafélagi Íslands)
Innifalið: Fararstjórn. Lágmarksþátttaka: 10 mann

Kálfárdalur – Trölli – Kálfárdalur         Skór: 1

2. október, 1 dagur
Fararstjórar: Hallbjörn Ægir Björnsson og Kári Björn Þorsteinsson.

Mæting á einkabílum að N1 Sauðárkróki kl. 09:00.

Gengið verður frá eyðibýlinu Kálfárdal að skálanum Trölla. Þar verður umhverfið skoðað. Farið sömu leið til baka.

Verð: kr. 1.000.- (kr. 500.- fyrir félagsmenn í Ferðafélagi Íslands)
Innifalið: Fararstjórn. Lágmarksþátttaka: 8 manns